• Bruk olje som er berekna på turbo, og skift olje og oljefilter tilstrekkeleg ofte.
• Oljefilter må skiftast kvar gong du skifter olje.

Ein motor utan turbo må suga i seg lufti han treng til forbrenning, medan på ein motor med turbo vil turboen pressa ei større mengd luft inn i motoren. Dermed feng motoren meir krefter.
Ein stor turbo (T1) vil fyrst byrja å fungera bra etter at motoren hev fenge eit visst turtal (treng tid på å spinna seg upp i fart). Ein mindre turbo derimot (T2), vil byrja å fungera på lågare turtal, ettersom han hev mindre masse. Han vil spinna seg raskare upp i fart.

Når du parkerer er det svært viktig at motoren fær ganga eit halvt minutt på tomgang, slik at turboen fær tid til å roa seg ned. Og hev du køyrt med høgt turtal siste minuttane fyrr du stoppar, bør du venta minst eitt minutt med å sløkkja motoren, slik at oljen fær tid til å kjøla ned turboen.