• Er den brukte oljen like blank og fin som då den var ny?
— Ikkje bra.

• Blir oljen svart?
— Det er bra, for då betyr det at oljen hev teke med seg ureinheiter.

MOTOROLJEN er viktig å passa godt på. Han skal smyrja, taka med seg ureinheiter, og i ein viss grad kjøla. Byt olje og oljefilter tilstrekkeleg ofte, og bruk olje av god kvalitet.

Dieselmotorar og turbo stiller ekstra høge krav til oljen.

Pass alltid på, kvar gong du startar, å ikkje gjeva gass fyrr bilen hev heist seg upp. Det er nemleg svært viktig å ikkje belasta motoren fyrr oljen hev byrja å sirkulera skikkeleg.

Når du skal fylla på olje, sjå på undersida av loket. Hev det eit kremaktigt gråkvitt belegg, må du sannsynlegvis skifta toppakningen.
Eit anna varsel um defekte toppakning, er når kjølevatnet minkar og oljen stig.

Lurium                                  

• Skal du ha lurium i oljen?
— Kanskje, kanskje ikkje. Det kann fungera stikk mot sin hensikt, um luriumet og oljen ikkje høver saman.

Oljeskift


Oljefilter til CX diesel.

• Botnpluggen løyser du enklast med ei stor wisegriptong.

• Motoren må vera varm eller lunken.
• Heis bilen upp i yverste stilling og set bukkar under dei fremre jekkfesti (og gjerne ogso under dei bakre um han hev det med å siga fort ned att).
• Drag peilepinnen litt uppor og løys oljepåfyllingsloket.
• Tapp ut oljen (pass på å ikkje brenna deg; bruk t.d. vinterfora arbeidshanskar).
• Tak av det gamle oljefilteret (du må kanskje bruka oljefiltertong).
• Fyll det nye oljefilteret med ny olje.
• Vent ein times tid slik at motoren får renna godt frå seg.
• Set på ny pakning (koparskive) og skru fast botnpluggen.
• Tømm oljen ut or det nye filteret, stryk olje på pakningen, og skru det på til pakningen sovidt tek borti. Stramm deretter ¾ umdreining.
• Fyll på ny olje.
• Vent 5 minuttar, og kontroller nivået.
• Start motoren, og kontroller at du ikkje hev lekkasjar (botnpluggen, botnpanna, oljefilteret).
• Tak vekk bukkane og set bilen i normalstilling.

— Kor ofte?

Olje minimum tvo gonger i året: seinhaustes og tidleg um våren, uavhengig av køyrelengde. Hev du veldig mykje småkøyring um vinteren, og du ikkje brukar motorvarmar, bør du ogso byta ein gong midt på vinteren.
Oljefilter bør bytast ein gong i året på bensinmotorar, og tvo gonger i året på dieselmotorar.