|
|
Kjøling av motoren blir hovudsakeleg utført av kjølevæska.
I tillegg vil oljen bidra litt.
|
|
|
|
|
Kjølevæska skal halda motortemperaturen stabil, og tilføra
varme til registeret (varmeapparatet).
Ho skal ogso hindra rust og attgroing, samt tola frost og hava høgt kokepunkt.
Vasspumpa held væska i sirkulasjon.
Kjølevæska kjøper du som konsentrat som du blandar med reint (helst sterilt) vatn.
(Ikkje utset kjølevæskekonsentrat for kulde.)
|
|
|
Vasspumpe.
|
|
|
|
- Set varmeapparatet på full varme um du hev eldre serie 1.
- Vern dynamoen med plast.
- Skru loket av ekspansjonstanken og løys lufteniplane.
- Tapp ut kjølevæska (den vetle slangen på radiatoren).
- Tøm langsomt ny kjølevæske i ekspansjonstanken.
- Steng lufteniplane når det byrjar spruta ut kjølevæske.
- Fyll ekspansjonstanken breddfull med kjølevæske og skru på loket.
- Fjern plasten på dynamoen.
- Start motoren og lat honom gå på 2000 o/min til kjøleviftene startar.
- Vent 15 minuttar og skru forsiktigt av loket på ekspansjonstanken.
- Etterfyll kjølevæske til nivået er ca tvo cm over den raude markøren i tanken.
|
|
|
NB!
Aldri skru loket av ekspansjonstanken medan kjøleviftene går!!!
|
|
|
Lufting
 Luftenippel.
Kontroller at det vetle holet nede på luftenippelen ikkje er tett: bruk i sofall
ei nål for å opna det att.
|
|
|
Å lufta kjølesystemet betyr å få vekk luftlommar.
Den einaste plassen det skal vera luft er i ekspansjonstanken.
Det er ein luftenippel på vasspumpa, og ein bortpå motoren.
Samt ein lufteskrue uppe på høgre sida av radiatoren (den skrur du upp med fingrane:
pass på å ikkje mista den vesle pakningen um du skrur han heilt ut).
Etter at du har fylt på kjølevæske må du opna lufteniplane slik
at all luft får sleppa ut. Loket på ekspansjonstanken må vera ope medan du luftar.
Start deretter motoren og vent til han blir varm, og luft radiatoren (hanskar og vernebriller).
Lufteniplane kann sitja ganske godt fast, og det er fort gjort å glippa og skada deim um du brukar fastnykkel el.l.
Bruk i staden ei wisegrip-tong som du festar i uppreist stilling. Stram tongi so mykje som du klarar,
tak eit godt tak med båe hender, og vrid forsiktig. (Um du prøver å festa tongi sidelengs vil
du kunna få problem med å koma til, og du vil ogso få so mykje kraft på henne at du risikerer å bryta av
luftenippelen.)
|
|
|
Lufteskruen på radiatoren.
|
|
|
Koking
Ikkje skru loket av ekspansjonstanken dersom kjøleviftene
er i gang!!!
|
|
Um varsellampen byrjar blinka, reduserer du farten. Set gjerne varmeapparatet på fullt (men ikkje upp på ruta).
Hev du kjølevæske eller vatn med deg i bilen? Dersom ikkje må du stoppa ved fyrste bensinstasjon, daglegvarebutikk,
kiosk el.l. Eller fyrste grov eller elv.
Um kjølevæska byrjar koka (varsellampen lyser), stoppar du so fort som råd og let motoren gå på tomgang.
Opp med panseret, men ikkje skru loket av ekspansjonstanken.
Etter ei stund sler du av motoren, og etter 5 - 10 minuttar kann du skru loket av ekspansjonstanken.
Skru loket av veldig forsiktig,
pass på at du ikkje får sprut i augo! Etterfyll kjølevæske (som du naturlegvis alltid
har med i bilen!), eller reint vatn um du ikkje hev anna.
Du må ogso løysa lufteniplane og sleppa ut luft
(du har vel alltid med deg ein 8mm fastnykkel eller ei tong?).
|
|
Um varsellampen for vasstemperatur blinkar, må du redusera farten.
Um han byrjar lysa må du stoppa so fort som råd.
|
|
|
|
Um du vil rensa kjølesystemet, har du på radiatorrens (enkelte brukar uppvaskmiddel).
Etter endt kur må du tappa ut so mykje av kjølevæska som råd, og
spyla gjennom med hageslangen:
- Registeret: Tak ut reservehjuli, kopl frå eine slangen som går inn i torpedoveggen,
og spyl båe vegar. (Har du gamal serie 1 må du passa på å setja varmeapparatet på full
varme fyrr du spylar.)
- Radiatoren: Kopl frå båe dei tvo grove slangane som går inn på radiatoren,
og spyl gjennom båe vegar.
Fyll på ny kjølevæske (hugs lufting!). Kontroller nivået etter
fyrste køyreturen.
|
|
|
Spyling av radiatoren.
|
|
|
|
Start motoren, gjev gass og sjå um det sprutar ut nokon stad.
Skift morkne gummislangar og stramm alle slangeklemmer.
Finn du ingen synleg lekkasje, fyller du på radiatortetting (enkelte brukar kanel).
|
|
|
Dersom kjølevæska minkar og oljenivået stig, og det er eit gråkvitt
belegg på undersida av oljepåfyllingsloket, må du sannsynlegvis skifta toppakning.
|
|
|
|
Du har ei eller tvo kjølevifter framfyr radiatoren.
For å kontrollera um dei fungerer let du bilen gå på tomgang.
Når temperaturen nærmar seg 90°C skal dei starta med redusert fart (gjeld ikkje alle modellar), og 4-5 grader varmare med full fart.
Startar dei ikkje er sannsynlegvis
termostaten til viftene (på vinstre side av radiatoren) i ustand, eller der er dårleg kontakt.
|
|
|
Du kann starta viftene manuelt ved å kortslutta leidningane som gjeng inn på termostaten.
Bruk ein kort leidning med flatstikk i kvar ende.
|
|
© www.leirdal.info
|
