Skifting

HUGS VERNEBRILLER NÅR DU DEMONTERER!!!
Dersom det er att trykk på kula vil det koma ein voldsom sprut med LHM.

1. Senk bilen til nedste stilling.
2. Løys lufteskruen.
3. Pump bremsepedalen til trykket blir vekke.
4. På røyri som gjeng frå hovudakkumulatoren til bremseakkumulatoren: Løys dei tvo festi (D+E).
5. På bremseakkumulatoren: Tak av slangeklemma.
6. Reingjer godt. Blås reint med trykkluft.
7. Skru av dei tvo koplingarne uppå bremseakkumulatoren (B+C).
8. Skru av koplingen til hovudakkumulatoren (A).
9. Lyft ut. Forsiktig med røyri som heng på.
10. Set kula i ei skrustikke og løys akkumulatoren med ei kraftig tong. (Kula sit kanskje forferdeleg hardt, slik at du må bruka eit hardt rykk for å få henne laus. Pass då på at tongi ikkje glir og skadar røyri.)
11. Løys kula frå skrustikka og skru henne ut.
12. Blås gjennum røyri med trykkluft.
13. Reingjer inni akkumulatoren med eit turkepapir.
14. Hav litt LHM på den nye pakningen og fest honom på akkumulatoren, ikkje kula.
15. Hav litt mineralgrease på kontaktflaterne, og skru fast den nye kula. Stramm berre med henderne.
16. Legg akkumulatoren på plass att og monter. (Å skru på røyrene kann vera vanskeleg: det er fort gjort å skada/øydelegga gjengerne. Tak deg god tid.)
17. Start bilen og lat honom ganga i 5-10 minuttar.
18. Stramm lufteskruen.
19. Kontroller at det ikkje er lekkasjar.
20. Luft frambremserne.

Det er nesten håplaust å skifta kula til bremseakkumulatoren i bilen, då akkumulatoren er dårleg festa. Det er difor best å taka ut heile greia og bruka ei skrustikke.