Mosjon
Det er lurt å halda seg i form. Og spesielt um du hev mykje stillesitjande arbeid.
Jogging
Er du normalvektig, går det greidt å jogga, men helst ikkje på asfalt.
Kom deg ut i skog og mark (veksla millom å springa i 2½ minuttar og gå fort i ½ minutt).
Er du tung, må du ikkje finna på å jogga, då kann du øydeleggja deg i føterne,
spesielt knærne. Sats på sykling i staden.
Vektlyfting
Å lyfta vekter er lurt: du blir sterkare, styrker beinbygningen, og (um du ikkje yverdriv) feng flottare kropp.
- For å byggja musklar: lyft sopass tungt at du greier ca. 8 gonger. Greier du 12 gonger er vekterne for lette. Tak 2-3 minuttar pause. Gjennomfør dette 4 gonger.
- For å byggja musklar fort: lyft fyrst sopass tungt at du greier ca. 15 gonger. Greier du 20 gonger er vekterne for lette. Tak deretter 10-20 sekundar pause og lyft 4 gonger. Fortset med 10-20 sekundar pause og lyfta 4 gonger til du berre greier å lyfta 3 gonger.
- For å byggja styrke: lyft sopass tungt at du greier ca. 4 gonger. Greier du 6 gonger er vekterne for lette. Tak 2-3 minuttar pause. Gjennomfør dette 4 gonger.
Hard trening kun annakvar dag, slik at musklarne fær tid til å koma seg att. Um du vil trena hardt kvar dag, må du passa på å trena ulike muskelgrupper frå dag til dag, slik at dei ulike musklarne berre blir hardt belasta annakvar dag.
Andre innandørsøvingar
• Armhevingar kann vera tungt i byrjingi. Du kann evt. starta med å ha knærne nedi. Men etter kvart er det berre
tærne som skal vera i golvet, og kroppen skal vera heilt strak.
• Ei fin øving for å styrka magemuskel, og legg og lår: Set deg ned på golvet,
og len deg bakyver til underarmarne er
nedpå golvet. Hav føterne strake nokre cm yver golvet, og lyft deim so høgt upp
at du kjenner det strekkjer i musklarne, og senk deim roleg ned att. Men
stopp nokre cm yver golvet. Gjer dette 8 gonger. Deretter lyfter du upp ein og ein fot,
tilsaman 16 gonger (8 gonger med kvar fot). Hugs at det einaste som
skal vera nedi golvet er korsryggen/baken og underarmarne/handflaterne.
Hev du ikkje gjort dette fyrr, må
du starta forsiktig.
• Gå på staden: Stå på golvet, og lyft upp ein og ein fot
og prøv å få knærne heilt upp til haka. Til saman 50 gonger.
• Stå på golvet og sving armarne fort rundt og rundt, fyrst eine vegen og so andre,
medan du sakte vrir hovudet so langt du klarar frå side til side.
Lenker
