|
Dersom kupévifta sluttar å fungera, kann det vera fordi leidningen til hendelen som regulerer farten på vifta har roke av.
For å kontrollera dette kann du gjera fylgjande: tak ut reservehjuli, skru av loket på vifta og drag av leidningane.
Set hendelen for vifta på fullt, set på tenningen og mål millom minus på batteriet og plussleidningen til vifta.
Får du no ca 12 V betyr det at vifta får straum.
Mål deretter motstanden millom minus på batteriet og minusleidningen til vifta.
Får du no ikkje utslag, betyr det at du må taka ut passasjersetet, demontera midtkonsollen (den millom seti)
og setja på ny leidning på hendelen til vifta.
Dersom du ikkje får utslag når du måler plussleidningen til vifta, kann det vera problem
med kontakten på leidningen som ligg under reservehjuli, eller sikringen kann vera defekt.
Får du utslag på både pluss- og minusleidningen til vifta,
kann du prøva å kopla til leidningane att og snurra henne rundt litt (ikkje med fingrane!).
Startar ho med dette er sannsynlegvis byrstane utslitne.
|
