Attende
Eksteriør
Frontruta
English
 FRAMSIDA   MOTOR   EKSOS   HYDRAULIKK   FJØRING   STYRING   DRIVAKSLING   FRAMAKSLING   BAKAKSLING   BREMSER   ELEKTRISK   INTERIØR   EKSTERIØR   DIVERSE 
 PANSER   DØR   BAKLUKE   TAK   FRONT   STØYTFANGAR   RUTE   VINDAUGSVISKAR   LYKTEVISKAR   HJUL   DIVERSE 
 FRONTRUTA 


FRONTRUTA må du alltid halda godt rein både på innsida og utsida. Det er spesielt når du køyrer mot låg sol (gjerne i kombinasjon med våt vegbane) du fær problem um ho er dekka av sokalla trafikkfilm. Er ho attpåtil full av riper (og det er ho sikkert), bør du definitivt vurdera å skifta til ny.
Du er spesielt utsett om du bur på flatlandet, då kann du bli utsett for låg sol både morgon og kveld. Bur du derimot millom høge fjell, vil dette vera eit mykje mindre problem.


• Hav alltid rikeleg med spylevæske av god kvalitet, samt relativt ny vindaugsviskar.


Skifting av frontrute                        

Varseltrekant Varseltrekant  



Du trenge

  • Frontrute
  • Vindaugsviskar

Pluss

  • Avfeittingsmiddel
  • Lakkpoleringsmiddel
  • Lakkforseglar
  • Silikonstift
  • Uppvaskmiddel
  • Snor

  1. Dekk panseret med eit pledd el.l.
  2. Løys muttaren til vindaugsviskaren og vrid viskaren burt på panseret.
  3. Drag utor listi som ligg pressa inn i pakningen.
  4. Tak av plastlistene på A-stolpane (inni kupeen).
  5. Dekk til dashbordet. Pass spesielt på at ventilasjonsopningane framved ruta er godt tildekka.
  6. Varm upp pakningen inni bilen med ein hårfønar (hald heile tida fønaren i bevegelse).
  7. Ver tvo stykker og set føtene mot yverste del av ruta og press henne varsamt ut.
  8. Ordn evt. rust.
  9. Reingjer med avfeittingsmiddel på ein klut.
  10. Poler.
  11. Hav på lakkforsegling.
  12. Støvsug inni pakningen der ruta hev vore, og stapp deretter inni eit turkepapir og drag det rundt.
  13. Kontroller at dei tvo dreneringsholi i pakningen er opne (nede i kvart hjørna).
  14. Bruk ein silikonstift (ein slike som du brukar til dørpakningar) og drag rundt pakningen på kupesida.
  15. Varm upp pakningen (lat honom t.d. liggja i soli ei stund).
  16. Set pakningen på den nye ruta (start nede).
  17. Smyr uppvaskmiddel på kupesida av pakningen.
  18. Tak ei kraftige snor, set henne inn med uppvaskmiddel og legg henne inn i pakningen. (NB! I det bakarste sporet, ikkje dreneringssporet!!) Snori kann plasserast på ulike måtar; på fabrikken avslutta dei t.d. med å draga nede. Måten eg hev gjort det på er å starta klokka tvo og føra snori med klokka ein heil umdreining, og so vidare til klokka ti.
  19. Ver tvo stykkjer og set ruta forsiktig på plass. Pass på at ho ikkje glir ned.
  20. Medan ein pressar forsiktig på utsida dreg den andre pakningen på plass inni kupeen (med snori). Start klokka ti og drag til klokka tvo. Tak deretter snori der og drag til klokka ti. Fortset deretter å draga i båe endane.
  21. Press listi inn i pakningen att (dette tek tid: er litt plundrete).
  22. Reingjer ruta grundig på båe sidur.
  23. Set på att plastlistene på A-stolpane.
  24. Byt til ny vindaugsviskar, plasser honom burt på ruta, og skru fast.
  25. Flytt yver spegelen (drag honom uppyver for å løysa honom).


• Ny frontrute kann du bestilla på næraste skadesenter. Ho er på plass i laupet av ein dag eller tvo. (Pass på at du fær rute med korrekt fargetone.)

• Dersom gamleruta sprikk når du tek henne ut vil det koma fullt av små glasbitar inn i kupeen. For å unngå det kan du festa plast på innsida av ruta.

• Bruk nye monteringshanskar ved handtering av rutene.

Plateskøyt Plateskøyt Yverst på kvar side er det ein plateskøyt som du bør fylla med sparkel, slik at du ikkje fær plystrelydar på eit seinare tidspunkt.




Opp

© www.leirdal.info

Valid XHTML 1.0 Transitional