André Citroën
— før bilproduksjonen
1878
Paris: Lévie Citroën frå Nederland og Macha Kleinan frå Polen
får sonen
André Gustave Citroën.
Han veks opp
i ei familiebedrift som handlar med diamantar, og har det
ganske romsleg, økonomisk sett.
1902
Citroën startar saman med to skulekameratar fabrikasjon av spesielle
tannhjul. Han kjøpte patente
i Polen ein gong han var på besøk hjå systeri der.
Firmaet får seinare (i 1912) namnet Société Anonyme des Engrenages
Citroën, og gjer det godt, med sal til tungindustri yver heile Europa.
Citroën-emblemet består av tvo tenner frå eit slikt tannhjul.
1906
Dette året vert Citroën
konsulent
på bilfabrikken
Mors.
Seinare (i 1908) blir han styreformann og greier i løpet av ein
tiårsperiode å få til ein betydeleg auke av produksjonen. Men det blir aldri som i fabrikken sine
glansdagar.
1913
Citroën besøker Ford-fabrikken i Dearborn.
1914
To månader før krigen gifter Citroën seg
med Georgina Bingen.
Fyrste verdskrig bryt ut, og Citroën byggjer ein bombefabrikk som produserer like
mange granater som alle dei andre bombefabrikkane i Paris til saman.
|
